Форум » ДАЙДЖЕСТ прессы » Ко вто назад тягне, до фраса, нашых русинов погрузитися на «возик-талабішку» ? » Ответить
Ко вто назад тягне, до фраса, нашых русинов погрузитися на «возик-талабішку» ?
Валько В.: Валько Валентин. Ко вто назад тягне, до фраса, нашых русинов погрузитися на «возик-талабішку» из міфом «про права корінного населенія», обы пак уверти русинов на украйинськый націстськый тинитув-смітник? Видя народні протесты на Юго-Востоці страны, укрйинські спецслужбы в Закарпаттю явно розробляют различні свої програмы по дальнійшой етноліквідаційи русинов. На світ Божый недавно утягли они стару програму спецслужб, розроблену щи в 1990 годах. Єї ціль была - одвернути нашых русинов од їх законного права на реалізацію регіонального русинського референдума про автономію края в складі Украйины од 1 децембра 1991 года. Она тогды достала имня «міф талабішкы». Річ йде про то, што власти Украйины, перепужені ростом протестов на Юго-Востоці, рішили подмінити статус автономіи «вільнов економічнов зонов», а реальні права русинов – міфом про корінноє населеня. Агентура межи русинами заставляє забыти русинов, што они народ, котрый уже 90 літ назад успішно реалізовав своє право на самоопреділеніє, зформовав свою національну Республіку Подкарпатська Русь в составі Чехословакіи. Спецслужбами постоянно нагнітаются казкы про міфічні и розмыті «права корінного населення». А корінні в Закарпаттю не лем мадяре, румыны из словаками и русинами, но уже и украйинці. А русины, по міфу Галиціи – лем голузка украйинського народа, «шелеснатого укродерева», так што прощай автономія русинська, здравствуй галицько-німицькый міф про «карпатську украйину». Но днесь вопрос не втому, что собов являє міф спецслужб, а то, кым вун реалізуєся межи русинами? Придумати мож хоть што, но реалізувати ото тяжко. Обы тормозити русинськоє движеніє «за перебудову», ци як фіглювуть русины «кываня за перевнажованя», спецслужбы, за 23 годы самі коварні врагы прав и свобод народа, арендуют головы части продажных русинов, особенно тых, ко уже там робив в спецслужбах. Бо, як кажут, кагебіст ци робутник из СБУ на пінзію не выходят. Он од них свободный буде лем у могилі. На днях збираються русины не по зову серця, а явно по зову… спецслужб, обы назад «попысковати» про мутні и не ясні «права корінного населення», при сёму, предписано агентам- антирусинам такый примірный приказ: 1. Не вспоминати про референдум русинов 1 децембра 1991 года и ёго правові наслідкы – автономія в складі Украийны, ци, поза складом, аж не хоче Києв; 2. Не вспоминати права русинського народа, котрый реалізовав своє законноє право на самоопреділеніє в 1919 годі в составі Чехословакіи, коли Украйинов и не пахло; 3. Не вспоминати, что украйинські власти и при Ющенкови и при Януковичови и при днешньых сектантах при власти, грубо нарушают права русинов Закарпаття; 4. Не вспоминати про дурні бисіды властий, про «Закон про регіональный язык русинов», реалізаціи котрого самі спецслужбы активно мішают, а прийняти казочку про білого бычка, же «каждый в Украйині гибы має право и ёго право ся гибы не порушує»; 5. Не вспоминати про то, што нарушені властями Украйині права русинов подпадают под межинародні санкціи, як злочины против людяности и не мают срока давности; 6. Не вспоминати про то, што за 23 годы розокрадені олігархами и києвськыма властями в краёви національні богатства русинов; Зато, даный приказ агентурі межи русинами: пропаговати міфічні «права корінного населеня» (ко на то претендує кроме русинов, не ясно) и вернути русинов на 90 годів узад – в мадярськоє бесправіє, обы из такым бесправієм помалы одмирали в Украйині, як у антирусинському концлагерови. У русинов єден правовый путь: Реалізація волеизявленія русинов од 1 децембра 1991 года на нашому регіональному референдумі, и чим май скоро, докі щи мадяре не зайдут сюда, так ги руссскіє в Крым.
Ответов - 0
полная версия страницы